أريد أن أتوب

عندك فتور في العبادة ومش بتحس بخشوع وكل ماتقرب من ربنا بتنتكس تانى، قربت تمل .. يبقا الكلام ده رساله من ربنا ليك ..

الإمام الشافعى بيقول "سيروا إلى الله عرجى ومكاسير ولا تنتظروا الصحه فإن انتظار الصحه بطاله"
يعنى وانت ماشى عبادتك هاتبقى مليانة مطبات من عدم خشوع أو تقطيع أو زهق وملل أو تقيله عليك فخليك برضه متمسك بيها اوعى تتركها ..ربنا بيقول {والذين جاهدوا فينا لنهدينهم سبلنا}
"كمل فى طريقك لربنا حتى لو زحف" .

مقصر في الصلاة .. إفضل صلى حتى لو مقصر بس متقطعهاش ، حجابك مش كامل .. خليكىِ عليه وحاولي تحسني من نفسِك بس متقلعيهوش ، بتقرأ قرآن بشكل متقطع .. أفضل اقرأ لكن ما تهجروش خالص .. وهٰكذا في كل العِبادات.

ابن القيم بيقول : (لا يَزالُ المَرءُ يُعانِي من الطّاعة حتى يَألفها ويُحِبها .. فَيُقيّض الله لَهُ ملائِكةً تؤُزُّهُ إليها أزّاً .. تُوقظُه من نومِهِ إليها ومن مَجلسه )

ربنا مش هيسيبك أبداً ، وهَيعينك إذا رأى منك صدق الإِقبال عليه والإصرار على الطاعة .. وخليك فاكر دايماً قول الله -عز وجل- في الحديث القُدسي :
"(( .... ومن تقَرَّب إليَّ شِبراً تقَرَّبتُ منْه ذِراعاً، ومَنْ تقَرَّب مني ذِراعاً تقَرَّبت مِنْه باعاً، ومن أَتاني يَمْشِي أتَيتُهُ هرْوَلَة)).

- استمسك بالعبادة ولو كنت مقصر ..
- استعن بالله ولاتعجز 💪